منتدى جنين اون لاين
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي - ملاحظة : لا يمكنك الدخول الا بعد تفعيل العضوية من البريد الالكتروني
سنتشرف بتسجيلك
شكرا
ادارة المنتدي

هذا المنتدى يقدم لكم الجديد والعديد من - البرامج - والصور - والمواضيع المميزة

اهلا وسهلا ... نرحب بكم في منتدى جنين اونلاين...امتع الاوقات نتمناها لكم...الادارة

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

حوار عائلي فلسطيني

اذهب الى الأسفل  رسالة [صفحة 1 من اصل 1]

1 حوار عائلي فلسطيني في الأربعاء مايو 27, 2009 10:22 am

ورود الدنيا

avatar
مشرفه
مشرفه
الأب مخاطب الابن : تعال وله

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك .....رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله ... لما ابوك يحكي انت بتخرس

الابن :أخرس؟

الأب : ايوه ان شالله خرسه

الابن: ماشي

الأم: اجاك مشش بركبك ما تقوم منه انشالله

الابن :مشش ؟؟؟ شو هاذا المشش؟؟

الأب: اما انك قليل حيا ...وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: موا يمزع نيـعـك وله .....حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا...احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه...دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ... يا الله ... يا جماعه شو مالكوا ... شو فيه ؟

الأم: اه صحيح انت ليش ناديت عالولد يا زلمه ؟

الأب :بتصدقي يا مره اني نسيت..... نساني شو كنت بدي منه هالكلب

الاب : خلص روح ارجع على غرفتك يابا .

2 رد: حوار عائلي فلسطيني في الأربعاء مايو 27, 2009 10:29 am

امير جنين

avatar
الادارة
الادارة
هههههههههههههه

الله يكون بعونه على هيك عيله

والحلو ان الاب نسي شو بدوه بالاخر

ورود الدنيا

مشكوره على الفرفشه الرائعه

بجد من الاخر حريقه

3 رد: حوار عائلي فلسطيني في الأربعاء مايو 27, 2009 8:22 pm

ورود الدنيا

avatar
مشرفه
مشرفه
يسلموووووووووووووو وسام ع المرور
ان شاء الله دائما نستطيع ان نرسم الضحكة ع وجوه اعضاء المنتدى

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى